-පට්ඨාන ධර්මයේ පිහිටයි-
නමෝ තස්ස භගවතෝ
අරහතෝ සම්මා සම්බුද්ධස්ස
පට්ඨාන දේසකස්ස ///
විචිත්ත මති ගම්භීර
මනන්ත නය මණ්ඩිතං
පට්ඨානං සම්මසන්තස්ස
විමලා මිත බුද්ධියා
යස්ස දේහා නික්ඛමිංසු
සුභා ඡබ්බණ්ණ රංසියෝ
නීල පීතා රත්ත සේතා
මඤ්ජෙට්ඨා ච පභස්සරා
තං ලෝකනාථං සුගතං
ධම්මඤ්ච ජින සේවිතං
සංඝං නිරංගණං සෙට්ඨං
නමාමි සිරසාදරං
හේතුපච්චයෝ ආරම්මණපච්චයෝ අධිපතිපච්චයෝ
අනන්තරපච්චයෝ සමනන්තරපච්චයෝ
සහජාතපච්චයෝ අඤ්ඤමඤ්ඤපච්චයෝ
නිස්සයපච්චයෝ උපනිස්සයපච්චයෝ
පුරේජාතපච්චයෝ පච්ඡාජාතපච්චයෝ
ආසේවනපච්චයෝ
කම්මපච්චයෝ විපාකපච්චයෝ
ආහාරපච්චයෝ ඉන්ද්රියපච්චයෝ
ඣානපච්චයෝ මග්ගපච්චයෝ
සම්පයුත්තපච්චයෝ විප්පයුත්තපච්චයෝ
අත්ථිපච්චයෝ නත්ථිපච්චයෝ
විගතපච්චයෝ අවිගතපච්චයෝ'ති
01 හේතුපච්චයෝ’ති
හේතු හේතුසම්පයුත්තකානං ධම්මානං
තංසමුට්ඨානානඤ්ච රූපානං
හේතුපච්චයේන පච්චයෝ...
හේතුපච්චය ඤාණේන ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
02 ආරම්මණපච්චයෝ’ති
රූපායතනං චක්ඛුවිඤ්ඤාණධාතුයා
තංසම්පයුත්තකානඤ්ච ධම්මානං
ආරම්මණපච්චයේන පච්චයෝ...
සද්දායතනං සෝතවිඤ්ඤාණධාතුයා
තංසම්පයුත්තකානඤ්ච ධම්මානං
ආරම්මණපච්චයේන පච්චයෝ...
ගන්ධායතනං ඝානවිඤ්ඤාණධාතුයා
තංසම්පයුත්තකානඤ්ච ධම්මානං
ආරම්මණපච්චයේන පච්චයෝ...
රසායතනං ජිව්හාවිඤ්ඤාණධාතුයා
තංසම්පයුත්තකානඤ්ච ධම්මානං
ආරම්මණපච්චයේන පච්චයෝ...
ඵොට්ඨබ්බායතනං කායවිඤ්ඤාණධාතුයා
තංසම්පයුත්තකානඤ්ච ධම්මානං
ආරම්මණපච්චයේන පච්චයෝ...
රූපායතනං සද්දායතනං ගන්ධායතනං රසායතනං
ඵොට්ඨබ්බායතනං මනෝධාතුයා
තංසම්පයුත්තකානඤ්ච ධම්මානං
ආරම්මණපච්චයේන පච්චයෝ...
සබ්බේ ධම්මා මනෝවිඤ්ඤාණධාතුයා
තංසම්පයුත්තකානඤ්ච ධම්මානං
ආරම්මණපච්චයේන පච්චයෝ...
යං යං ධම්මං ආරබ්භ
යේ යේ ධම්මා උප්පජ්ජන්ති
චිත්තචේතසිකා ධම්මා
තේ තේ ධම්මා
තේසං තේසං ධම්මානං
ආරම්මණපච්චයේන පච්චයෝ...
ආරම්මණ ඤාණජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
03 අධිපතිපච්චයෝ’ති
ඡන්දාධිපති ඡන්දසම්පයුත්තකානං ධම්මානං
තංසමුට්ඨානානඤ්ච රූපානං
අධිපතිපච්චයේන පච්චයෝ...
විරියාධිපති විරියසම්පයුත්තකානං ධම්මානං
තංසමුට්ඨානානඤ්ච රූපානං
අධිපතිපච්චයේන පච්චයෝ...
චිත්තාධිපති චිත්තසම්පයුත්තකානං ධම්මානං
තංසමුට්ඨානානඤ්ච රූපානං
අධිපතිපච්චයේන පච්චයෝ...
වීමංසාධිපති වීමංසසම්පයුත්තකානං ධම්මානං
තංසමුට්ඨානානඤ්ච රූපානං
අධිපතිපච්චයේන පච්චයෝ...
යං යං ධම්මං ගරුං කත්වා
යේ යේ ධම්මා උප්පජ්ජන්ති
චිත්තචේතසිකා ධම්මා
තේ තේ ධම්මා
තේසං තේසං ධම්මානං
අධිපතිපච්චයේන පච්චයෝ...
අධිපති ඤාණ සංජාත ‐ ඡුබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
04 අනන්තරපච්චයෝ’ති
චක්ඛුවිඤ්ඤාණධාතු තංසම්පයුත්තකා ච ධම්මා
මනෝධාතුයා තංසම්පයුත්තකානඤ්ච ධම්මානං
අනන්තරපච්චයේන පච්චයෝ..
මනෝධාතු තංසම්පයුත්තකා ච ධම්මා
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
අනන්තරපච්චයේන පච්චයෝ...
සෝතවිඤ්ඤාණධාතු තංසම්පයුත්තකා ච ධම්මා
මනෝධාතුයා තංසම්පයුත්තකානඤ්ච ධම්මානං
අනන්තරපච්චයේන පච්චයෝ..
මනෝධාතු තංසම්පයුත්තකා ච ධම්මා
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
අනන්තරපච්චයේන පච්චයෝ...
ඝානවිඤ්ඤාණධාතු තංසම්පයුත්තකා ච ධම්මා
මනෝධාතුයා තංසම්පයුත්තකානඤ්ච ධම්මානං
අනන්තරපච්චයේන පච්චයෝ..
මනෝධාතු තංසම්පයුත්තකා ච ධම්මා
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
අනන්තරපච්චයේන පච්චයෝ...
ජිව්හාවිඤ්ඤාණධාතු තංසම්පයුත්තකා ච ධම්මා
මනෝධාතුයා තංසම්පයුත්තකානඤ්ච ධම්මානං
අනන්තරපච්චයේන පච්චයෝ..
මනෝධාතු තංසම්පයුත්තකා ච ධම්මා
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
අනන්තරපච්චයේන පච්චයෝ...
කායවිඤ්ඤාණධාතු තංසම්පයුත්තකා ච ධම්මා
මනෝධාතුයා තංසම්පයුත්තකානඤ්ච ධම්මානං
අනන්තරපච්චයේන පච්චයෝ..
මනෝධාතු තංසම්පයුත්තකා ච ධම්මා
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
අනන්තරපච්චයේන පච්චයෝ...
පුරිමා පුරිමා කුසලා ධම්මා
පච්චිමානං පච්චිමානං කුසලානං ධම්මානං
අනන්තරපච්චයේන පච්චයෝ...
පුරිමා පුරිමා කුසලා ධම්මා
පච්චිමානං පච්චිමානං අබ්යාකතානං ධම්මානං
අනන්තරපච්චයේන පච්චයෝ...
පුරිමා පුරිමා අකුසලා ධම්මා
පච්චිමානං පච්චිමානං අකුසලානං ධම්මානං
අනන්තරපච්චයේන පච්චයෝ...
පුරිමා පුරිමා අකුසලා ධම්මා
පච්චිමානං පච්චිමානං අබ්යාකතානං ධම්මානං
අනන්තරපච්චයේන පච්චයෝ...
පුරිමා පුරිමා අබ්යාකතා ධම්මා
පච්චිමානං පච්චිමානං අබ්යාකතානං ධම්මානං
අනන්තරපච්චයේන පච්චයෝ...
පුරිමා පුරිමා අබ්යාකතා ධම්මා
පච්චිමානං පච්චිමානං කුසලානං ධම්මානං
අනන්තරපච්චයේන පච්චයෝ...
පුරිමා පුරිමා අබ්යාකතා ධම්මා
පච්චිමානං පච්චිමානං අකුසලානං ධම්මානං
අනන්තරපච්චයේන පච්චයෝ...
යේසං යේසං ධම්මානං අනන්තරා
යේ යේ ධම්මා උප්පජ්ජන්ති
චිත්තචේතසිකා ධම්මා
තේ තේ ධම්මා තේසං තේසං ධම්මානං
අනන්තරපච්චයේන පච්චයෝ...
අනන්තර ඤාණ සංජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
05 සමනන්තරපච්චයෝ’ති
චක්ඛුවිඤ්ඤාණධාතු තංසම්පයුත්තකා ච ධම්මා
මනෝධාතුයා තංසම්පයුත්තකානඤ්ච ධම්මානං
සමනන්තරපච්චයේන පච්චයෝ..
මනෝධාතු තංසම්පයුත්තකා ච ධම්මා
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
සමනන්තරපච්චයේන පච්චයෝ...
සෝතවිඤ්ඤාණධාතු තංසම්පයුත්තකා ච ධම්මා
මනෝධාතුයා තංසම්පයුත්තකානඤ්ච ධම්මානං
සමනන්තරපච්චයේන පච්චයෝ..
මනෝධාතු තංසම්පයුත්තකා ච ධම්මා
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
සමනන්තරපච්චයේන පච්චයෝ...
ඝානවිඤ්ඤාණධාතු තංසම්පයුත්තකා ච ධම්මා
මනෝධාතුයා තංසම්පයුත්තකානඤ්ච ධම්මානං
සමනන්තරපච්චයේන පච්චයෝ..
මනෝධාතු තංසම්පයුත්තකා ච ධම්මා
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
සමනන්තරපච්චයේන පච්චයෝ...
ජිව්හාවිඤ්ඤාණධාතු තංසම්පයුත්තකා ච ධම්මා
මනෝධාතුයා තංසම්පයුත්තකානඤ්ච ධම්මානං
සමනන්තරපච්චයේන පච්චයෝ..
මනෝධාතු තංසම්පයුත්තකා ච ධම්මා
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
සමනන්තරපච්චයේන පච්චයෝ...
කායවිඤ්ඤාණධාතු තංසම්පයුත්තකා ච ධම්මා
මනෝධාතුයා තංසම්පයුත්තකානඤ්ච ධම්මානං
සමනන්තරපච්චයේන පච්චයෝ..
මනෝධාතු තංසම්පයුත්තකා ච ධම්මා
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
සමනන්තරපච්චයේන පච්චයෝ...
පුරිමා පුරිමා කුසලා ධම්මා
පච්චිමානං පච්චිමානං කුසලානං ධම්මානං
සමනන්තරපච්චයේන පච්චයෝ...
පුරිමා පුරිමා කුසලා ධම්මා
පච්චිමානං පච්චිමානං අබ්යාකතානං ධම්මානං
සමනන්තරපච්චයේන පච්චයෝ...
පුරිමා පුරිමා අකුසලා ධම්මා
පච්චිමානං පච්චිමානං අකුසලානං ධම්මානං
සමනන්තරපච්චයේන පච්චයෝ...
පුරිමා පුරිමා අකුසලා ධම්මා
පච්චිමානං පච්චිමානං අබ්යාකතානං ධම්මානං
සමනන්තරපච්චයේන පච්චයෝ...
පුරිමා පුරිමා අබ්යාකතා ධම්මා
පච්චිමානං පච්චිමානං අබ්යාකතානං ධම්මානං
සමනන්තරපච්චයේන පච්චයෝ...
පුරිමා පුරිමා අබ්යාකතා ධම්මා
පච්චිමානං පච්චිමානං කුසලානං ධම්මානං
සමනන්තරපච්චයේන පච්චයෝ...
පුරිමා පුරිමා අබ්යාකතා ධම්මා
පච්චිමානං පච්චිමානං අකුසලානං ධම්මානං
සමනන්තරපච්චයේන පච්චයෝ...
යේසං යේසං ධම්මානං සමනන්තරා
යේ යේ ධම්මා උප්පජ්ජන්ති
චිත්තචේතසිකා ධම්මා
තේ තේ ධම්මා තේසං තේසං ධම්මානං
සමනන්තරපච්චයේන පච්චයෝ...
සමනන්තර ඤාණජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
06 සහජාතපච්චයෝ’ති
චත්තාරෝ ඛන්ධා අරූපිනෝ අඤ්ඤමඤ්ඤං
සහජාතපච්චයේන පච්චයෝ...
චත්තාරෝ මහාභූතා අඤ්ඤමඤ්ඤං
සහජාතපච්චයේන පච්චයෝ...
ඔක්කන්තික්ඛණේ නාමරූපං අඤ්ඤමඤ්ඤං
සහජාතපච්චයේන පච්චයෝ...
චිත්තචේතසිකා ධම්මා
චිත්තසමුට්ඨානානං රූපානං
සහජාතපච්චයේන පච්චයෝ...
මහාභූතා උපාදායරූපානං
සහජාතපච්චයේන පච්චයෝ...
රූපිනෝ ධම්මා අරූපීනං ධම්මානං
කිඤ්චි කාලේ සහජාතපච්චයේන පච්චයෝ
කිඤ්චි කාලේ න සහජාතපච්චයේන පච්චයෝ...
සහජාත ඤාණජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
07 අඤ්ඤමඤ්ඤපච්චයෝ’ති
චත්තාරෝ ඛන්ධා අරූපිනෝ
අඤ්ඤමඤ්ඤපච්චයේන පච්චයෝ...
චත්තාරෝ මහාභූතා
අඤ්ඤමඤ්ඤපච්චයේන පච්චයෝ...
ඔක්කන්තික්ඛණේ නාමරූපං
අඤ්ඤමඤ්ඤපච්චයේන පච්චයෝ...
අඤ්ඤමඤ්ඤ ඤාණජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
08 නිස්සයපච්චයෝ’ති
චත්තාරෝ ඛන්ධා අරූපිනෝ අඤ්ඤමඤ්ඤං
නිස්සයපච්චයේන පච්චයෝ...
චත්තාරෝ මහාභූතා අඤ්ඤමඤ්ඤං
නිස්සයපච්චයේන පච්චයෝ...
ඔක්කන්තික්ඛණේ නාමරූපං අඤ්ඤමඤ්ඤං
නිස්සයපච්චයේන පච්චයෝ...
චිත්තචේතසිකා ධම්මා
චිත්තසමුට්ඨානානං රූපානං
නිස්සයපච්චයේන පච්චයෝ...
මහාභූතා උපාදායරූපානං
නිස්සයපච්චයේන පච්චයෝ...
චක්ඛායතනං චක්ඛුවිඤ්ඤාණධාතුයා
තංසම්පයුත්තකානඤ්ච ධම්මානං
නිස්සයපච්චයේන පච්චයෝ...
සෝතායතනං සෝතවිඤ්ඤාණධාතුයා
තංසම්පයුත්තකානඤ්ච ධම්මානං
නිස්සයපච්චයේන පච්චයෝ...
ඝානායතනං ඝානවිඤ්ඤාණධාතුයා
තංසම්පයුත්තකානඤ්ච ධම්මානං
නිස්සයපච්චයේන පච්චයෝ...
ජිව්හායතනං ජිව්හාවිඤ්ඤාණධාතුයා
තංසම්පයුත්තකානඤ්ච ධම්මානං
නිස්සයපච්චයේන පච්චයෝ...
කායායතනං කායවිඤ්ඤාණධාතුයා
තංසම්පයුත්තකානඤ්ච ධම්මානං
නිස්සයපච්චයේන පච්චයෝ...
යං රූපං නිස්සාය මනෝධාතු ච
මනෝවිඤ්ඤාණධාතු ච වත්තන්ති
තං රූපං මනෝධාතුයා ච
මනෝවිඤ්ඤාණධාතුයා ච
තංසම්පයුත්තකානඤ්ච ධම්මානං
නිස්සයපච්චයේන පච්චයෝ...
නිස්සය ඤාණ සංජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
09 උපනිස්සයපච්චයෝ’ති
පුරිමා පුරිමා කුසලා ධම්මා
පච්චිමානං පච්චිමානං කුසලානං ධම්මානං
උපනිස්සයපච්චයේන පච්චයෝ...
පුරිමා පුරිමා කුසලා ධම්මා
පච්චිමානං පච්චිමානං අකුසලානං ධම්මානං
කේසඤ්චි උපනිස්සයපච්චයේන පච්චයෝ...
පුරිමා පුරිමා කුසලා ධම්මා
පච්චිමානං පච්චිමානං අබ්යාකතානං ධම්මානං
උපනිස්සයපච්චයේන පච්චයෝ...
පුරිමා පුරිමා අකුසලා ධම්මා
පච්චිමානං පච්චිමානං අකුසලානං ධම්මානං
උපනිස්සයපච්චයේන පච්චයෝ...
පුරිමා පුරිමා අකුසලා ධම්මා
පච්චිමානං පච්චිමානං කුසලානං ධම්මානං
කේසඤ්චි උපනිස්සයපච්චයේන පච්චයෝ...
පුරිමා පුරිමා අකුසලා ධම්මා
පච්චිමානං පච්චිමානං අබ්යාකතානං ධම්මානං
උපනිස්සයපච්චයේන පච්චයෝ...
පුරිමා පුරිමා අබ්යාකතා ධම්මා
පච්චිමානං පච්චිමානං අබ්යාකතානං ධම්මානං
උපනිස්සයපච්චයේන පච්චයෝ...
පුරිමා පුරිමා අබ්යාකතා ධම්මා
පච්චිමානං පච්චිමානං කුසලානං ධම්මානං
උපනිස්සයපච්චයේන පච්චයෝ...
පුරිමා පුරිමා අබ්යාකතා ධම්මා
පච්චිමානං පච්චිමානං අකුසලානං ධම්මානං
උපනිස්සයපච්චයේන පච්චයෝ...
උතුභෝජනං’පි උපනිස්සයපච්චයේන පච්චයෝ...
පුග්ගලෝ’පි උපනිස්සයපච්චයේන පච්චයෝ...
සේනාසනං’පි උපනිස්සයපච්චයේන පච්චයෝ...
උපනිස්සය ඤාණේන ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
10 පුරේජාතපච්චයෝ’ති
චක්ඛායතනං චක්ඛුවිඤ්ඤාණධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
සෝතායතනං සෝතවිඤ්ඤාණධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
ඝානායතනං ඝානවිඤ්ඤාණධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
ජිව්හායතනං ජිව්හාවිඤ්ඤාණධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
කායායතනං කායවිඤ්ඤාණධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
රූපායතනං චක්ඛුවිඤ්ඤාණධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
සද්දායතනං සෝතවිඤ්ඤාණධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
ගන්ධායතනං ඝානවිඤ්ඤාණධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
රසායතනං ජිව්හාවිඤ්ඤාණධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
ඵොට්ඨබ්බායතනං කායවිඤ්ඤාණධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
රූපායතනං සද්දායතනං ගන්ධායතනං රසායතනං
ඵොට්ඨබ්බායතනං මනෝධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
යං රූපං නිස්සාය මනෝධාතු ච
මනෝ විඤ්ඤාණධාතු ච වත්තන්ති
තං රූපං මනෝධාතුයා
තංසම්පයුත්තකානඤ්ච ධම්මානං
පුරේජාතපච්චයේන පච්චයෝ...
මනෝවිඤ්ඤාණධාතුයා
තංසම්පයුත්තකානඤ්ච ධම්මානං
කිඤ්චි කාලේ පුරේජාතපච්චයේන පච්චයෝ
කිඤ්චි කාලේ න පුරේජාතපච්චයේන පච්චයෝ...
පුරේජාත ඤාණජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
11 පච්ඡාජාතපච්චයෝ’ති
පච්ඡාජාතා චිත්තචේතසිකා ධම්මා
පුරේජාතස්ස ඉමස්ස කායස්ස
පච්ඡාජාතපච්චයේන පච්චයෝ...
පච්ඡාජාත ඤාණජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
12 ආසේවනපච්චයෝ’ති
පුරිමා පුරිමා කුසලා ධම්මා
පච්චිමානං පච්චිමානං කුසලානං ධම්මානං
ආසේවනපච්චයේන පච්චයෝ...
පුරිමා පුරිමා අකුසලා ධම්මා
පච්චිමානං පච්චිමානං අකුසලානං ධම්මානං
ආසේවනපච්චයේන පච්චයෝ...
පුරිමා පුරිමා කිරියාඅබ්යකතා ධම්මා
පච්චිමානං පච්චිමානං කිරියාඅබ්යකතානං ධම්මානං
ආසේවනපච්චයේන පච්චයෝ...
ආසේචන ඤාණජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
13 කම්මපච්චයෝ’ති
කුසලාකුසලං කම්මං
විපාකානං ඛන්ධානං
කටත්තා ච රූපානං
කම්මපච්චයේන පච්චයෝ...
චේතනා සම්පයුත්තකානං ධම්මානං
තංසමුට්ඨානානඤ්ච රූපානං
කම්මපච්චයේන පච්චයෝ...
කම්මපච්චය ඤාණේන ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
14 විපාකපච්චයෝ’ති
විපාකා චත්තාරෝ ඛන්ධා
අරූපිනෝ අඤ්ඤමඤ්ඤං
විපාකපච්චයේන පච්චයෝ...
විපාක ඤාණ සංජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
15 ආහාරපච්චයෝ’ති
කබලිංකාරෝ ආහාරෝ ඉමස්ස කායස්ස
ආහාරපච්චයේන පච්චයෝ...
අරූපිනෝ ආහාරා සම්පයුත්තකානං ධම්මානං
තංසමුට්ඨානානඤ්ච රූපානං
ආහාරපච්චයේන පච්චයෝ...
ආහාර ඤාණ සංජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
16 ඉන්ද්රියපච්චයෝ’ති
චක්ඛුන්ද්රියං චක්ඛුවිඤ්ඤාණධාතුයා
තං සම්පයුත්තකානඤ්ච ධම්මානං
ඉන්ද්රියපච්චයේන පච්චයෝ...
සෝතින්ද්රියං සෝතවිඤ්ඤාණධාතුයා
තං සම්පයුත්තකානඤ්ච ධම්මානං
ඉන්ද්රියපච්චයේන පච්චයෝ...
ඝානින්ද්රියං ඝානවිඤ්ඤාණධාතුයා
තං සම්පයුත්තකානඤ්ච ධම්මානං
ඉන්ද්රියපච්චයේන පච්චයෝ...
ජිව්හින්ද්රියං ජිව්හාවිඤ්ඤාණධාතුයා
තං සම්පයුත්තකානඤ්ච ධම්මානං
ඉන්ද්රියපච්චයේන පච්චයෝ...
කායින්ද්රියං කායවිඤ්ඤාණධාතුයා
තං සම්පයුත්තකානඤ්ච ධම්මානං
ඉන්ද්රියපච්චයේන පච්චයෝ...
රූපජීවිතින්ද්රියං කටත්තාරූපානං
ඉන්ද්රියපච්චයේන පච්චයෝ...
අරූපිනෝ ඉන්ද්රියා සම්පයුත්තකානං ධම්මානං
තංසමුට්ඨානානඤ්ච රූපානං
ඉන්ද්රියපච්චයේන පච්චයෝ...
ඉන්ද්රිය ඤාණ සංජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
17 ඣානපච්චයෝ’ති
ඣානංගානි ඣානසම්පයුත්තකානං ධම්මානං
තංසමුට්ඨානානඤ්ච රූපානං
ඣානපච්චයේන පච්චයෝ...
ඣානපච්චය ඤාණේන ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
18 මග්ගපච්චයෝ’ති
මග්ගංගානි මග්ගසම්පයුත්තකානං ධම්මානං
තංසමුට්ඨානානඤ්ච රූපානං
මග්ගපච්චයේන පච්චයෝ...
මග්ගපච්චය ඤාණේන ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
19 සම්පයුත්තපච්චයෝ’ති
චත්තාරෝ ඛන්ධා අරූපිනෝ අඤ්ඤමඤ්ඤං
සම්පයුත්තපච්චයේන පච්චයෝ...
සම්පයුත්ත ඤාණජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
20 විප්පයුත්තපච්චයෝ’ති
රූපිනෝ ධම්මා අරූපීනං ධම්මානං
විප්පයුත්තපච්චයේන පච්චයෝ...
අරූපිනෝ ධම්මා රූපීනං ධම්මානං
විප්පයුත්තපච්චයේන පච්චයෝ...
විප්පයුත්ත ඤාණජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
21 අත්ථිපච්චයෝ’ති
චත්තාරෝ ඛන්ධා අරූපිනෝ අඤ්ඤමඤ්ඤං
අත්ථිපච්චයේන පච්චයෝ...
චත්තාරෝ මහාභූතා අඤ්ඤමඤ්ඤං
අත්ථිපච්චයේන පච්චයෝ...
ඔක්කන්තික්ඛණේ නාමරූපං අඤ්ඤමඤ්ඤං
අත්ථිපච්චයේන පච්චයෝ...
චිත්තචේතසිකා ධම්මා
චිත්තසමුට්ඨානානං රූපානං
අත්ථිපච්චයේන පච්චයෝ...
මහාභූතා උපාදායරූපානං
අත්ථිපච්චයේන පච්චයෝ...
චක්ඛායතනං චක්ඛුවිඤ්ඤාණධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
සෝතායතනං සෝතවිඤ්ඤාණධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
ඝානායතනං ඝානවිඤ්ඤාණධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
ජිව්හායතනං ජිව්හාවිඤ්ඤාණධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
කායායතනං කායවිඤ්ඤාණධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
රූපායතනං චක්ඛුවිඤ්ඤාණධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
සද්දායතනං සෝතවිඤ්ඤාණධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
ගන්ධායතනං ඝානවිඤ්ඤාණධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
රසායතනං ජිව්හාවිඤ්ඤාණධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
ඵොට්ඨබ්බායතනං කායවිඤ්ඤාණධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
රූපායතනං සද්දායතනං ගන්ධායතනං රසායතනං
ඵොට්ඨබ්බායතනං මනෝධාතුයා
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
යං රූපං නිස්සාය මනෝධාතු ච
මනෝවිඤ්ඤාණධාතු ච වත්තන්ති
තං රූපං මනෝධාතුයා ච
මනෝවිඤ්ඤාණධාතුයා ච
තංසම්පයුත්තකානඤ්ච ධම්මානං
අත්ථිපච්චයේන පච්චයෝ...
අත්ථිපච්චය ඤාණේන ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
22 නත්ථිපච්චයෝ’ති
සමනන්තරනිරුද්ධා චිත්තචේතසිකා ධම්මා
පටුප්පන්නානං චිත්තචේතසිකානං ධම්මානං
නත්ථිපච්චයේන පච්චයෝ...
නත්ථිපච්චය ඤාණේන ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
23 විගතපච්චයෝ’ති
සමනන්තරවිගතා චිත්තචේතසිකා ධම්මා
පටුප්පන්නානං චිත්තචේතසිකානං ධම්මානං
විගතපච්චයේන පච්චයෝ...
විගත ඤාණ සංජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
24 අවිගතපච්චයෝ’ති
චත්තාරෝ ඛන්ධා අරූපිනෝ අඤ්ඤමඤ්ඤං
අවිගතපච්චයේන පච්චයෝ...
චත්තාරෝ මහාභූතා අඤ්ඤමඤ්ඤං
අවිගතපච්චයේන පච්චයෝ...
ඔක්කන්තික්ඛණේ නාමරූපං අඤ්ඤමඤ්ඤං
අවිගතපච්චයේන පච්චයෝ...
චිත්තචේතසිකා ධම්මා
චිත්තසමුට්ඨානානං රූපානං
අවිගතපච්චයේන පච්චයෝ...
මහාභූතා උපාදායරූපානං
අවිගතපච්චයේන පච්චයෝ...
චක්ඛායතනං චක්ඛුවිඤ්ඤාණධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
සෝතායතනං සෝතවිඤ්ඤාණධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
ඝානායතනං ඝානවිඤ්ඤාණධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
ජිව්හායතනං ජිව්හාවිඤ්ඤාණධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
කායායතනං කායවිඤ්ඤාණධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
රූපායතනං චක්ඛුවිඤ්ඤාණධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
සද්දායතනං සෝතවිඤ්ඤාණධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
ගන්ධායතනං ඝානවිඤ්ඤාණධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
රසායතනං ජිව්හාවිඤ්ඤාණධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
ඵොට්ඨබ්බායතනං කායවිඤ්ඤාණධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
රූපායතනං සද්දායතනං ගන්ධායතනං රසායතනං
ඵොට්ඨබ්බායතනං මනෝධාතුයා
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
යං රූපං නිස්සාය මනෝධාතු ච
මනෝවිඤ්ඤාණධාතු ච වත්තන්ති
තං රූපං මනෝධාතුයා ච
මනෝවිඤ්ඤාණධාතුයා ච
තංසම්පයුත්තකානඤ්ච ධම්මානං
අවිගතපච්චයේන පච්චයෝ...
අවිගත ඤාණ සංජාත ‐ ඡබ්බණ්ණ රංසි භාසුරං
සම්බුද්ධං සබ්බ දස්සාවිං ‐ වන්දාමි පූජයාමහං
ඒතේන සච්ච වජ්ජේන සොත්ථි මේ හෝතු සබ්බදා
Download පට්ඨාන සජ්ජායනා PDF
මහා පට්ඨාන පාලි සජ්ජායනා පොත් වහන්සේ මෙතැනින් බාගත කරගන්න.